జీహెచ్‌ఎంసీ శివార్లలోని పెద్దఅంబర్‌పేట్‌లో భారీ అగ్నిప్రమాదం జరిగింది. పెద్దఅంబర్‌పేట్‌లో ఉన్న స్వాల్‌ కార్పొరేషన్‌ లిమిటెడ్‌ గోదాములో ఒక్కసారిగా మంటలు చెలరేగాయి. గోదాములో పెద్దఎత్తున రసయనాలు నిల్వ ఉండటంతో మంటలు వేగంగా వ్యాప్తిచెందాయి. దీంతో గోదాము నుంచి మంటలు ఎగసిపడుతున్నాయి. ఆ ప్రాంతం అంతా దట్టంగా పొగలు అలముకున్నాయి. భారీగా శబ్ధాలు వస్తుండటంతో స్థానికులు భయాందోళనలకు గురవుతున్నారు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకున్నారు. అయితే మంటల ధాటికి గోదామ్‌లోకి ప్రవేశించే వీలు లేకపోవడంతో అధికారులు జేసీబీల సహాయంతో గోడలను కూల్చివేస్తున్నారు.
