ఈ నెల 17న ముఖ్యమంత్రి కేసీఆర్‌ పుట్టిన రోజు సందర్భంగా ప్రతి ఒక్కరూ కనీసం ఒక్కో మొక్క నాటుదాం అని టీఆర్‌ఎస్‌ పార్టీ నాయకులకు, సభ్యులకు ఆ పార్టీ వర్కింగ్‌ ప్రెసిడెంట్‌ కేటీఆర్‌ పిలుపునిచ్చారు. సీఎం కేసీఆర్‌కు హరితహారం అంటే ఎంత ఇష్టమో మనకు తెలుసు. సీఎం కేసీఆర్‌ పుట్టినరోజున ఈచ్‌ వన్‌ ప్లాంట్‌ వన్‌ నినాదంతో మొక్కలు నాటుదామని కేటీఆర్‌ పిలుపునిచ్చారు. ఈ నెల 17న కేసీఆర్‌ 66వ వసంతంలోకి అడుగుపెట్టబోతున్నారని కేటీఆర్‌ ట్వీట్‌ చేశారు.
హరిత తెలంగాణను కానుకగా ఇద్దాం : ఎంపీ సంతోష్‌ కుమార్‌తెలంగాణ రాష్ట్రాన్ని మనకు అందించిన సీఎం కేసీఆర్‌కు పుట్టిన రోజు సందర్భంగా హరిత తెలంగాణను కానుకగా ఇద్దామని టీఆర్‌ఎస్‌ పార్టీ రాజ్యసభ సభ్యులు సంతోష్‌ కుమార్‌ విజ్ఞప్తి చేశారు. సీఎం కేసీఆర్‌ పుట్టినరోజున విరివిగా మొక్కలు నాటుదామని ఆయన ట్విట్టర్‌ ద్వారా పిలుపునిచ్చారు.