ప్రపంచ పర్యావరణ దినోత్సవం (జూన్ – 5) సందర్భంగా అర్టికల్ – 1
మన చుట్టు ఉన్నవాతావరణం పూర్తిగా కలుషితమై ఉంది.. అంతేకాదు మనం పీల్చే గాలి, త్రాగే నీరు, తినే ఆహారం.. అన్నీ కలుషితమవుతున్నాయి. కాబట్టి మనం కూడా పర్యావరణం పట్ల బాధ్యతతో మసులుకోవాల్సిన అవసరం ఎంతైనా ఉంది.
ప్రపంచ పర్యావరణ దినోత్సవం సందర్భంగా పర్యావరణాన్ని కాపాడుకోవడానికి మన వంతు బాధ్యతగా మనం పాటించాల్సిన కొన్ని సూచనలు :
- ప్లాస్టిక్ బ్యాగుల వినియోగం వీలైనంతవరకు తగ్గించాలి. షాపింగ్ మరియు ఇతర పనులపై వెళ్ళేటప్పుడు క్లాత్ బ్యాగ్స్ ను వెంట తీసుకెళ్ళాలి. ప్లాస్టిక్ వినియోగాన్ని పూర్తిగా తగ్గించడం ద్వారా ప్లాస్టిక్ కాలుష్యాన్ని అంతం చేయడమే లక్ష్యంగా పనిచేయాలి.
- మన చుట్టూ ప్రక్కల ఉన్న ఖాళీ ప్రదేశాలలో మొక్కలను నాటి ఆ మొక్కలకు ఉదయం కానీ, సాయంత్రం కానీ నీరు పోయాలి.. అప్పుడే ఎక్కువ శాతం నీరు ఆవిరి కాకుండా మొక్కలకి అందుతుంది.
- ఎక్కడ పడితే అక్కడ చెత్త వేయకుండా ఉండాలి. అలాగే మన చుట్టూ ఉన్న పరిసరాలను పరిశుభ్రంగా ఉండేలా చూసుకోవాలి.
- అనవసరంగా నీరు వృధా చేయకూడదు. ఇంట్లో ట్యాప్స్(కుళాయి) లీకేజ్ లేకుండా ఎప్పటికప్పుడు సరి చూసుకుంటూ ఉండాలి. నిల్వ ఉన్న నీరు వృధాగా పారబోసే బదులు… మొక్కలకి పోయాలి.
- పెట్రోల్, డీజిల్ వినియోగం తగ్గించి, కాలుష్యాన్ని నియంత్రించాలి..
- గ్లోబల్ వార్మింగ్ ని నియాంత్రించాలి. అనవసరమైన చోట బల్బులు, ఫ్యాన్ లు, ఎ.సి.లు ఆపి, విద్యుత్ ఆదా చేయలి.
- మనకు రోజు వారి కార్యక్రమాల్లో కనీసం ఒక పేపర్ అయినా అవసరం అవుతుంది. పేపర్ ఎంత తక్కువ వాడితే అంత మంచిది. దేశ వ్యాప్తంగా పేపర్ తయారీ కోసం రోజుకి కొన్ని లక్షల చెట్లని నరుకుతున్నారు. పేపర్ వాడకం వీలైనంత వరకు తగ్గించుకోవాలి.
- మనకి విద్యుత్ ప్రతి నిమిషం అవసరం. కానీ ఆ విద్యుత్ మన పరిసరాలని తద్వారా మన ఆరోగ్యాన్ని దెబ్బతీస్తుందంటే చాలా మంది నమ్మరు. దేశ వ్యాప్తంగా బొగ్గుతో విద్యుత్ తయారయ్యే కేంద్రాలు అధికంగా ఉన్నాయి. విద్యుత్ ని కేవలం బొగ్గుతోనే కాకుండా గాలి (పవన విధ్యుత్) మరియు సూర్యరశ్మితో కూడా తయారు చేయవచ్చు.
- మనం తక్కువ దూరలైతే నడవడం లేదా సైకిల్ వాడడం చేయాలి. ఇలా చేయడం వల్ల పెట్రోల్ ఆదా చేయగలుగుతాం. వారానికి ఒక్క రోజైన సొంత వాహనాన్ని పక్కన పెట్టి, పబ్లిక్ ట్రాన్స్ పోర్ట్ ఉపయోగిస్తే మంచిది. దీని ద్వారా వాహన పొల్యూషన్ తగ్గించిన వారిమౌతాం.
- కిరోసిన్ వాడే ఆటోల గురించి ప్రత్యేకంగా చెప్పక్కర్లేదు వారు కూడా ఆటోలతో పొల్యూషన్ రాకుండా చూసుకోవాలి. సాధ్యమైనంత వరకు CNG మరియు ఎలక్ట్రిక్ ఆటోలను వాడి వాహన కాలుష్యం తగ్గిస్తే మంచిది. కొంత మంది బయట కనపడిన టైర్లు, చెత్త కాలుస్తుంటారు ఆవి తగ్గించుకోవాలి.
- పరిశ్రమల యాజమాన్యాలు పరిశ్రమలు చేసే గాలి, నీరు, భూమి కాలుష్యం కాకుండా పొల్యూషన్ ను తగ్గించేలా చూడాలి.
- అడ్డగోలుగా చెట్లను నరకడం ఆపాలి. వీలైనన్ని మొక్కలను నాటాలి.
- ఇంకుడు గుంతలను తీసి.. వర్షపు నీటిని కాపాడుకోవాలి..
- కుంటలు, చెరువులు, నదులు, సముద్రాలు ప్లాస్టిక్, రసాయన వ్యర్ధలతో కాలుష్యం కాకుండా కాపాడుకోవాలి. ఇలా అనేక రకాలుగా పర్యావరణాన్ని కాపాడుకోవాల్సిన బాధ్యత మన అందరిపైన ఉంది.
ఇలా ఎవరికి వారు పొల్యుషన్ తగ్గించడానికి ప్రయత్నం చేయాలి. పర్యావరణ పరిరక్షణకు పాటు పడాలి.
ప్రపంచ పర్యావరణ దినోత్సవం – 2025 (Theme) థీమ్ ” “Ending Global Plastic Pollution” (ప్రపంచ వ్యాప్తంగా ప్లాస్టిక్ కాలుష్యాన్ని అంతం చేద్దాం). Beat Plastic Pollution (ప్లాస్టిక్ కాలుష్యాన్ని నిర్మూలిద్దాం)..