- యావత్ ప్రపంచం ప్రయోజనం పొందాలి
- జర్మనీ ప్రతినిధుల తో డిప్యూటీ సీఎం భట్టి విక్రమార్క మల్లు
ప్రజాస్వామ్య విలువలను కాపాడేందుకు కలిసి పని చేద్దాం, యావత్ ప్రపంచం ప్రయోజనం పొందాలని ఆశిస్తున్నట్టు డిప్యూటీ సీఎం భట్టి విక్రమార్క స్పష్టం అన్నారు. గురువారం సాయంత్రం ఆయన ప్రజా భవన్ లో జర్మనీ ప్రతినిధులతో కలిసి సమావేశం అయ్యారు. ఈ సందర్భంగా డిప్యూటీ సీఎం మాట్లాడుతూ వివిధ దేశాల రాజకీయ పార్టీలను ఒకచోట చేర్చి పురోగమన ఆలోచనా దిశలో నడిపించే మీ కృషిని మేము ఎంతో అభినందిస్తున్నామని జర్మన్ డెలిగేట్లతో ఉప ముఖ్యమంత్రి భట్టి విక్రమార్క అన్నారు. అభివృద్ధిచెందిన దేశాల్లోనూ, అభివృద్ధి చెందుతున్న దేశాల్లోనూ రైట్ వింగ్ భావజాలం ప్రమాదకరంగా మారుతోందని అన్నారు. ప్రజాస్వామ్య వ్యవస్థలకు, వాటి విలువలకు ప్రమాదం కలిగిస్తుంది ఈ భావజాల వ్యాప్తి వల్ల ప్రమాదం పొంచి ఉందని చెప్పారు. ఉప ముఖ్యమంత్రి భట్టి విక్రమార్క అన్నారు.
స్వేచ్ఛ – న్యాయం – ఐక్యత అనే సిద్ధాంతాలతో నడిచే సోషియల్ డెమోక్రటిక్ పార్టీ స్వతంత్ర సంస్థలా పని చేస్తూ ప్రపంచంలోని పలు రాజకీయ పార్టీలతో కలిసి ప్రోగ్రెసివ్ ఆలోచనను ముందుకు తీసుకెళ్లడం చాలా అభినందనీయమని ఆయన అన్నారు. సోషియల్ డెమోక్రటిక్ పార్టీకి 160 ఏళ్ల చరిత్ర చరిత్ర ఉందని తెలిసి ఆనందంగా ఉంది. మీ పార్టీలాగే మేము కూడా వందేళ్ల చరిత్ర కలిగిన అతిపెద్ద కాంగ్రెస్ పార్టీకి చెందిన వార‌సులం. ఈ దేశానికి స్వాతంత్రాన్ని తీసుకు రావడంతో పాటు దేశ నిర్మాణంలో అత్యంత కీలకంగా నిలిచిన పార్టీకి చెందిన వార‌మని ఆయన చెప్పారు.
కాంగ్రెస్ పార్టీ అగ్ర నేత రాహుల్ గాంధీని మీరు క‌ల‌వ‌డం మాకు ఆనందాన్ని క‌లిగిస్తోందన్నారు. లోక్ స‌భ‌లో ప్ర‌తిప‌క్ష నాయ‌కుడు రాహుల్ గాంధీ దేశంలోనే కాకుండా ప్రపంచవ్యాప్తంగా ప్రొగ్రెసివ్ భావజాల వ్యాప్తికి కృషి చేస్తున్నారు. రాహుల్ గాంధీ మార్గ ద‌ర్శ‌క‌త్వంలో ఇటీవల హైదరాబాదులో భారత్ సమ్మిట్‌ను విజయవంతంగా నిర్వహించగలిగాము. అందులో 100కు పైగా దేశాలు పాల్గొని ప్రొగ్రెసివ్ ఆలోచనలు, పేదరిక నిర్మూలన వంటి అంశాలపై విస్తృత చర్చలు చేయడం జరిగిందని చెప్పారు. రైగ్ వింగ్ భావజాలం వల్ల ప్రజాస్వామ్య విలువలకు విఘాతం కల్గిస్తోంది, విద్వేశ భావం ప్రభలుతోంది అన్నారు. స్వేచ్ఛ‌గా అభిప్రాయాల పంచ‌కోవ‌డం లేకుండా బ‌ల‌వ‌తంగా వారి అభిప్రాయాల‌ను, భావాల‌ను ప్ర‌జ‌ల‌పై రుద్దే ప్ర‌య‌త్నం పెద్ద ఎత్తున జ‌రుగుతోంది. దీనివల్ల దేశంలోనే కాదు ప్రపంచమంతటా ఆందోళనలు, అస్థిరత పెరుగుతున్నాయి. ప్రజాస్వామ్య విలువలను నమ్మే వాళ్లందరికీ ఇది బాధాకర విషయమ‌ని అన్నారు.
జర్మనీ గొప్ప చరిత్ర కలిగిన దేశం. ప్రత్యేకంగా మెటలర్జీ రంగంలో మీ నైపుణ్యం ప్రపంచ ప్రసిద్ధం. ఇది ఆర్థిక – రాజకీయ సంబంధాలకు ఒక బలమైన అనుసంధాన బంధం లాంటిది. ఇటువంటి సాంకేతికతలను, పారిశ్రామిక అభివృద్ధిని భారతం కూడా ఆహ్వానిస్తుంది. మా నాయకత్వం కూడా జర్మనీతో మరింత సహకారం పెంపొందించడానికి ఆసక్తి చూపుతోందని చెప్పారు. రాష్ట్రంలో మా ప్ర‌భుత్వం “విజన్ 2047ష డాక్యుమెంట్ ను తీసుకువ‌స్తోంది. రాష్ట్ర ఆర్థిక వ్యవస్థను 3 ట్రిలియన్ డాలర్లకు తీసుకెళ్లడమే మా ప్ర‌జాప్ర‌భుత్వం ల‌క్ష్యంగా పెట్టుకుంది. అందుకోసం స్ప‌ష్ట‌మైన ప్ర‌ణాళికతో ముందుకు వెళుతున్నాం. రాష్ట్రంలో వనరులు, మౌలిక సదుపాయాలు విస్తారంగా ఉన్నాయి. మా ప్ర‌జాప్ర‌భుత్వం కూడా ధృఢ సంకల్పంతో నిర్ణ‌యాలు తీసుకుంటోందని ఉప ముఖ్యమంత్రి భట్టి విక్రమార్క చెప్పారు. ప్ర‌జాభ‌వ‌న్ లోని మీటింగ్ హాల్ లో జ‌రిగిన ఈ స‌మావేశంలో ఉప ముఖ్యమంత్రి భట్టి విక్ర‌మార్క‌తో పాటుగా ర‌వాణ శాఖ మంత్రి పొన్నం ప్ర‌భాక‌ర్, పీసీసీ అధ్య‌క్షుడు మ‌హేష్ కుమార్ గౌడ్, ఎంపీలు చామ‌ల కిర‌ణ్ కుమార్ రెడ్డి, మల్లు ర‌వి, బ‌ల‌రామ్ నాయ‌క్, సురేష్ షెట్కార్, జ‌ర్మ‌నీకి చెందిన ఫ్రెడ్రిచ్ ఈబ‌ర్ట్ స్టిఫ్టింగ్ సంస్థ‌కు చెందిన ప్ర‌తినిధులు డాక్ట‌ర్ స‌బీనా, మిక్రో గ్యాంథ‌ర్, క్రిస్టోఫ‌స్, మాండ్వి కుల‌క్షేత్ర, అనురాగ్ శంక‌ర్, త‌దితరులు పాల్గొన్నారు. త‌దిత‌ర‌లు పాల్గొన్నారు.
