ప్రపంచ దేశాల్లో కరోనా కరాళనృత్యం చేస్తోంది. కరోనా విలయతాండవానికి అన్ని దేశాల్లో మృత్య ఘంటికలు మోగుతున్నాయి. ప్రపంచ వ్యాప్తంగా ఇప్పటి వరకు కరోనాతో 1,70,423 మంది చనిపోయారు. కరోనా పాజిటివ్ కేసుల సంఖ్య 24.80 లక్షలకు చేరుకుంది. ఈ వైరస్‌ నుంచి 6,46,675 మంది కోలుకుని డిశ్చార్జి అయ్యారు.
అగ్రరాజ్యం అమెరికాను కరోనా మహమ్మారి వణికిస్తోంది. అమెరికాలో కరోనా బాధితుల సంఖ్య 7 లక్షల 92 వేలు దాటింది. అమెరికాలో ఇప్పటి వరకు కరోనాతో 42,514 మంది మృతి చెందారు. అమెరికాలో నిన్న ఒక్కరోజే 1939 మంది ప్రాణాలు కోల్పోయారు.
స్పెయిన్‌లో 20,852, ఇటలీలో 24,114, ఫ్రాన్స్‌లో 20,265, యూకేలో 16,509, జర్మనీలో 4,862, ఇరాన్‌లో 5,209, టర్కీలో 2,140, బ్రెజిల్‌లో 2,587, బెల్జియంలో 5,828, కెనడాలో 1,690, నెదర్లాండ్స్‌లో 3,751, స్విట్జర్లాండ్‌లో 1,429 మంది ప్రాణాలు కోల్పోయారు.