ఆంధ్రప్రదేశ్‌లో ప్రభుత్వ ఉద్యోగులకు వారంలో ఐదు రోజుల పనిదినాలను ఏడాదిపాటు పొడిగిస్తూ ఏపీ ప్రభుత్వ ప్రధాన కార్యదర్శి నీలం సాహ్ని ఉత్తర్వులు జారీ చేశారు. సచివాలయ ఉద్యోగులు, అన్ని శాఖాల హెచ్‌ఓడీ కార్యాలయ ఉద్యోగులకు ఉత్తర్వులు వర్తిస్తాయని ఆమె వెల్లడించారు.
ఉద్యోగుల సమస్యలన్నింటిపై సీఎం జగన్‌ సానుకూలంగా స్పందిస్తున్నారని ఆమె అన్నారు. ఉద్యోగులకు మేలు చేసినందుకు ఏపీ ఉద్యోగుల సంఘం చైర్మన్‌ వెంకట్రామిరెడ్డి సీఎం జగన్‌కు ధన్యవాదాలు తెలిపారు. ఉద్యోగులు మరింత మెరుగ్గా పనిచేసేలా ఈ ఉత్తర్వులు ఇవ్వడం సంతోషకరమని ఆయన అన్నారు.