రాజ్యసభ సభ్యులు జోగినిపల్లి సంతోష్ కుమార్ చేపట్టిన గ్రీన్ ఇండియా ఛాలెంజ్ లో భాగంగా యాంకర్ శివజ్యోతి ఇచ్చిన ఛాలెంజ్ ను స్వీకరించి నేడు జూబ్లీహిల్స్ లో మొక్కలు నాటిన ప్రముఖ నటి, యాంకర్ హిమజ.
ఈ సందర్భంగా హిమజ మాట్లాడుతూ రాజ్యసభ సభ్యుడు సంతోష్ కుమార్ సమాజంలో ప్రతి ఒక్కరికి ఉపయోగపడే విధంగా పచ్చదనం పెంచడం కోసం ఈ మొక్కలు నాటే కార్యక్రమం తీసుకున్నారని ఇంత మంచి కార్యక్రమం చేపట్టిన సంతోష్ కుమార్ కి కృతజ్ఞతలు తెలిపారు. నాకు కూడా మొక్కలు అంటే చాలా ఇష్టమని నేను సమయం దొరికినప్పుడల్లా మొక్కలు నాటుతాను. ఈ రోజు నేను ఇక్కడ మూడు మొక్కలు నాటడం జరిగిందని నాటిన మొక్కలకు మూడు పేర్లు పెట్టుకుంటున్నాను రాముడు, సీత, లక్ష్మణుడు వీరు ఎప్పుడూ కలిసి మెలిసి ఉంటారు. కాబట్టి ఈ మొక్కలు కూడా అదే విధంగా కలిసి పెరగాలని కోరుకుంటూన్నాను. ప్రజలందరూ కూడా ఇదే విధంగా వారికి తోచిన విధంగా మొక్కలు నాటాలని పిలుపునిచ్చారు. ఈ సందర్భంగా నేను మరొక ముగ్గురిని నందిత రాయి, ప్రణవి మానుకొం, భాను కూడా మొక్కలు నాటాలని కోరారు.
