తెలంగాణ ప్రభుత్వం గ్రూప్-1 తో పాటు ఇతర శాఖలలో నియామకాలకొరకు పెద్ద ఎత్తున ఉద్యోగ నియామక నోటిఫికెషన్లు జారీ చేస్తున్నది. ఆయా పోటీ పరీక్షలకు(competitive exams) ప్రిపేర్ అవుతున్న అభ్యర్థులు తెలంగాణ సామాజిక ఆర్ధిక అంశాలపై పట్టుకలిగి ఉండాలి.అటువంటి స్టడీ మెటీరియల్(study meterial) కొరకు ప్రయత్నిస్తున్న ఉద్యోగార్థులకు ఉపయుక్తంగా వుండే విధంగా 300 పేజీలతో తెలంగాణ సామాజిక ఆర్ధిక ముఖచిత్రం -2022 పేరుతో ఒక పుస్తకాన్ని రాష్ట్ర ప్రణాళిక శాఖ ప్రచురించినట్లు ఆ శాఖ సంచాలకులు ఎస్. కె. మీరా ఒక ప్రకటనలో తెలిపారు. తెలంగాణ ప్రభుత్వం తరపున ప్రచురించిన ఈ పుస్తకాన్ని రాష్ట్ర ప్రణాళిక సంఘం ఉపాధ్యక్షులు బి. వినోద్ కుమార్ విడుదల చేశారు. ఉద్యోగార్థుల సౌలభ్యం కొరకు ప్రభుత్వం ఈ పుస్తకం ముద్రణకు సబ్సిడీ ఇవ్వడం వల్ల రూ.150/-లకే విక్రయిస్తున్నట్లు తెలిపారు.
సమగ్ర వివరాలతో మల్టీ కలర్ లో ఆకర్షణీయంగా ఉన్న ఈ పుస్తకం అన్ని జిల్లాల కలెక్టరేట్ కార్యాలయాలలో లభిస్తుందని తెలిపారు. అలాగే హైదరాబాద్ లోని ఖైరతాబాద్ GHMC సర్కిల్ ఆఫీసు ఎదురుగా ఉన్న ప్రణాళిక శాఖ “గణాంక భవన్ ” లో కూడా ఈ పుస్తకం దొరుకుతుంది. ప్రవేట్ బుక్ స్టాల్స్ లో ఈ పుస్తకమును ఉంచలేదు. ఉద్యోగార్థులతో పాటు ఉద్యోగులు,విద్యార్థులు,అధ్యాపకులు , పరిశోదకులకు, వివిధ రంగాల్లోని నిపుణులకు ఈ పుస్తకం ఉపయుక్తంగా ఉంటుంది. తెలంగాణ సామాజిక ఆర్ధిక ముఖచిత్రం -2022 పుస్తకంనకు సంబందించిన వివరాలకై రాష్ట్ర ప్రణాళిక విభాగం గణాంక అధికారి జగన్ (91826-07890), ఉప గణాంక అధికారి శ్రీనివాస్ (89789-00832) లను సంప్రదించాలని సూచించారు.