కార్బన్‌ డయాక్సైడ్‌తో పాటు పలు గ్రీన్‌హౌస్‌ వాయువులను శోషించుకొని, కాలుష్యాన్ని తగ్గించగలిగే సరికొత్త పదార్థాన్ని యూకే, చైనాకు చెందిన శాస్త్రవేత్తలు కనుగొన్నారు. ధృవ అణువులు సమృద్ధిగా ఉండే ఈ పదార్థాన్ని ‘పంజరాల పంజరం’గా పిలుస్తున్నారు.ఇది కార్బన్‌ డయాక్సైడ్‌ వంటి గ్రీన్‌హౌస్‌ వాయువులను శోషించుకుంటుందని శాస్త్రవేత్తలు తెలిపారు.
ఇది నీటిలో మరింత స్థిరత్వంతో పని చేస్తుందని.. తేమ, తడి వాయు ప్రవాహాల నుంచి సైతం ఇది కార్బన్‌ డయాక్సైడ్‌ను గ్రహిస్తుందన్నారు. పారిశ్రామిక కాలుష్యాన్ని నివారించడమే కాక, అత్యంత శక్తిమంతమైనదిగా గుర్తించిన సల్ఫర్‌ హెక్సాఫ్లోరైడ్‌(ఎస్‌ఎఫ్‌6)ను కూడా ఇది శోషించుకుంటుందని పేర్కొన్నారు.