సంస్కరణలతో, అభివృద్ధితో ముందుకు సాగే రాష్ట్రం తెలంగాణ

ఎజ్ఆఫ్ డూయింగ్ బిజినెస్ రీఫార్మ్స్ (BRAP 2024) లో “టాప్ అచీవర్” గా గుర్తింపు పొందిన తెలంగాణ రాష్ట్రం. పరిశ్రమలు మరియు అంతర్గత వాణిజ్య ప్రోత్సాహక విభాగం (DPIIT), భారత ప్రభుత్వం — రాష్ట్రాలు మరియు కేంద్రపాలిత ప్రాంతాల్లో Ease of Doing Business ను బలోపేతం చేయడానికి Business Reforms Action Plan (BRAP) 2024 అనే 7వ ఎడిషన్‌ను ప్రారంభించింది. వ్యాపార సౌలభ్యాన్ని పెంపొందించడానికి విస్తృతమైన సంప్రదింపులు, వాటాదారుల అభిప్రాయాల ఆధారంగా రూపొందించిన BRAP 2024లో 434 రీఫార్మ్ పాయింట్లు ఉన్నాయి. ఇవి కార్మిక చట్టాలు, భూసంవహన పరిపాలన, ఆస్తి రిజిస్ట్రేషన్, పెట్టుబడి సౌకర్యాలు మరియు పర్యావరణ అనుమతుల వంటి కీలక అంశాలను కవర్ చేస్తాయి.

BRAP 2024 మార్గదర్శకాల ప్రకారం తెలంగాణ ప్రభుత్వం అన్ని విధాన సంస్కరణలను విజయవంతంగా అమలు చేయడమే కాకుండా, 13 శాఖల్లో 1,467 కాంప్లయెన్స్‌లను తగ్గించింది. దీని ద్వారా సమర్థవంతమైన పరిపాలన, పారదర్శకత మరియు వ్యాపారానుకూల వాతావరణం పట్ల రాష్ట్రం యొక్క కట్టుబాటు మరోసారి వెల్లడైంది. ఈ విశిష్ట ప్రదర్శనకు గుర్తింపుగా, తెలంగాణ రాష్ట్రం BRAP 2024లో నాలుగు ప్రధాన విభాగాల్లో “టాప్ అచీవర్” గౌరవాన్ని సాధించింది: బిజినెస్ ఎంట్రీ, కన్‌స్ట్రక్షన్ పర్మిట్ ఎనేబ్లర్స్, సర్వీస్ సెక్టార్, ల్యాండ్ అడ్మినిస్ట్రేషన్, తెలంగాణ ప్రభుత్వ ప్రత్యేక ప్రధాన కార్యదర్శి శ్రీ సంజయ్ కుమార్ గారు మంగళవారం ఢిల్లీలో ఈ అవార్డును స్వీకరించారు.