భవిష్యత్తులో రాష్ట్ర జిడిపి పెరగడానికి కావలసిన విధంగా రాష్ట్ర ప్రభుత్వం సీఎం రేవంత్ రెడ్డి నాయకత్వంలో ప్రజా ప్రభుత్వం యావత్తు క్యాబినెట్ సహచరులం అంతా కలిసి తెలంగాణ ప్రజల విద్యుత్ అవసరాలు తీర్చడానికి పెద్ద ఎత్తున ప్రణాళికలు సిద్ధం చేశాము. ప్రపంచంలో అత్యంత అభివృద్ధి చెందిన దేశాలతో పోటీపడే స్థాయిలో తెలంగాణకు బలమైన పునాదులు వేస్తూ 2047 నాటికీ 3 ట్రిలియన్ డాలర్ల ఆర్థిక వ్యవస్థగా తెలంగాణ రాష్ట్రాన్ని తీర్చిదిద్దాలనే లక్ష్యంతో ముందుకు వెళుతున్న ఈ సమయంలోనే అందుకు అనుగుణంగా విద్యుత్తు ప్రణాళికలను తయారు చేశాము. ఉత్పత్తి రంగాలు పెద్ద ఎత్తున అభివృద్ధి చెందితేనే వాటి ద్వారా ఉత్పత్తి భారీ స్థాయిలో పెరిగి రాష్ట్ర జిఎస్ డిపి కి ఉపయోగపడతాయి. తద్వారా మన ఎకానమీ ఆశించిన స్థాయిలో పెరుగుతుంది.
ఉత్పత్తి రంగాలైన మ్యాన్ ఫ్యాక్చరింగ్, సర్వీస్ సెంటర్, అగ్రికల్చర్ సెక్టార్ లలో ఉత్పత్తికి కావలసిన విద్యుత్ ను అందించడమే ప్రధానమైన అంశం. విద్యుత్తును సరఫరా చేస్తే తప్ప ఈ రంగాల్లో ఉత్పత్తి జరగదు. అందుకు అనుగుణంగా విద్యుత్తును అందించడానికి మా ప్రభుత్వం ఆలోచన చేస్తున్నది. ప్రపంచ స్థాయి నగరాలతో పోటీపడే విధంగా తెలంగాణ అభివృద్ధి చెందాలని ఆశిస్తున్నాం కాబట్టి ప్రపంచంలోని వివిధ దేశాలలో తలసరి విద్యుత్ వినియోగానికి అనుగుణంగా తెలంగాణలో కూడా తలసరి విద్యుత్ వినియోగం పెంచడానికి ఆలోచన చేస్తూ ముందుకు వెళుతున్నాం. రాష్ట్రంలో కాంగ్రెస్ అధికారంలోకి వచ్చాక గతంలో కంటే ఒకేసారి 10 శాతం విద్యుత్ డిమాండ్ పెరిగింది
ముఖ్యమంత్రి రేవంత్ రెడ్డి నాయకత్వంలో ప్రజా ప్రభుత్వం దృష్టి సారించిన మూసి పునర్జీవం, ఫ్యూచర్ సిటీ నిర్మాణం, సీఎం రేవంత్ రెడ్డి, పరిశ్రమల శాఖ మంత్రి శ్రీధర్ బాబులు దావోస్ వెళ్లి తెలంగాణలో పరిశ్రమలు నెలకొల్పడానికి వివిధ సంస్థలతో ఎంవోలు చేసుకోవడం, రానున్న డేటా సెంటర్లు, ఏర్పాటు కానున్న గ్లోబల్ సెంటర్స్ తో హైదరాబాద్ గ్లోబల్ హబుఏర్పాటు కానున్న గ్లోబల్ సెంటర్స్ తో హైదరాబాద్ గ్లోబల్ హబ్ గా మారుతున్ దృష్ట్యా విద్యుత్ అవసరాలను దృష్టిలో పెట్టుకుని అందుకు అనుగుణంగా ప్రణాళికలు రూపొందించాం. రాష్ట్ర ప్రభుత్వం టార్గెట్ పెట్టుకున్న ప్రకారంగా 2047 నాటికీ 3 ట్రిలియన్ డాలర్ల ఆర్థిక వ్యవస్థగా ఈ రాష్ట్రాన్ని మార్చడానికి కావలసిన ప్రణాళికను తయారు చేసుకుని ముందుకు పోతున్నది. 3 ట్రిలియన్ డాలర్ల ఆర్థిక వ్యవస్థగా తెలంగాణ రాష్ట్రం అభివృద్ధి చెందాలంటే ఏటా GSDP 30 శాతం పెరగాలి. GSDP పెరగాలంటే అదే స్థాయిలో విద్యుత్తు వినియోగం పెరుగుదల ప్రతి సంవత్సరం 10 శాతం ఉంటుందని లెక్కలు వేసుకొని 2047 వరకు 1,39,310 మెగావాట్లకు పైగా విద్యుత్ అవసరం అవుతుంది. ఈ స్థాయిలో విద్యుత్ పెరుగుదల అవసరం ఉండగా ప్రస్తుతం మన రాష్ట్రంలో మన రాష్ట్రంలో విద్యుత్ ఉత్పత్తి సామర్థ్యం 27,769 మెగావాట్లుగా ఉంది.